आनंद, गुड्डी, चुपके चुपके, अभिमान असे चित्रपट आठवले की हृषीकेश मुखर्जी यांचे नाव येते. हृषीदांचे चित्रपट व त्याचे रसग्रहण असे स्वरूप असलेले ‘हृषीकेश मुखर्जी’ हे पुस्तक जय अर्जुन सिंग यांनी लिहिले आहे.
हृषीदांच्या गाजलेल्या चित्रपटांचा यात समावेश आहेच, पण ‘मेम दीदी’, ‘मुसाफिर’, ‘अनुराधा’, ‘आलाप’, ‘असला-नकली’ अशा तुलनेने कमी चर्चेत राहिलेल्या चित्रपटांबद्दल विस्तृतपणे लिहिले आहे, असे स्पष्ट करीत लेखकाने हृषीकेश मुखर्जी यांच्या बेमिसाल चित्रपटांची खूबसुरत दुनियेची सफर लेखकाने घडविली आहे. याचा प्रवास सुरू होतो तो हृषीदांच्या ‘मुसाफिर’मधील घर दाखविण्याच्या प्रसंगापासून. या साध्या, सरळ प्रसंगातून, पात्रांमधून हृषीदांची समाजाबद्दलची मते, विचार व्यक्त होतात, असे लेखकाने म्हटले आहे.
‘बीवी और मकान’ व ‘सत्यकाम’ या त्यांच्या कमी प्रतिसाद मिळालेल्या चित्रपटांमधील ठळक बाबी यात दाखवून दिल्या आहेत. हृषीकेश मुखर्जी यांच्या चित्रपटाबद्दल सांगतानाच त्यांचे जगणे, त्यांतील काही घटना, त्यांच्याबद्दलच्या अनेकांच्या आठवणीही यात कथन केल्या आहेत. याचा मराठी अनुवाद मानसी होळेहोन्नूर यांनी केला आहे.
पुस्तक : हृषीकेश मुखर्जी
लेखक : जय अर्जुन सिंग
अनुवादक : मानसी होळेहोन्नूर
प्रकाशक : इंद्रायणी साहित्य प्रकाशन
पाने : २८७
किंमत : ३०० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)